Обычный вид

Яңылыҡтар

23.05.2018 19:46:00

Рәсәйҙең атҡаҙанған тренеры Нина Мозер менән эшлекле осрашыу

23 майҙа Республика Йортонда Башҡортостан Башлығы Рөстәм Хәмитов фигуралы шыуыу буйынса Рәсәйҙең атҡаҙанған тренеры Нина Мозер менән осрашты. Төбәктә ғәмәлдә булған һәм төҙөлгән боҙ ареналарының һөҙөмтәлелеген күтәреү, ҡышҡы спорт төрҙәрен үҫтереү, юғары һөҙөмтәләргә өлгәшеү өсөн спорт әҙерлеген камиллаштырыу мәсьәләләре тикшерелде.

Башҡортостандың баш ҡалаһына Нина Мозер төбәк етәксеһенең саҡырыуы буйынса килде. Рөстәм Хәмитов танылған белгескә граждандарҙы ҡабул иткән саҡта боҙ спортын үҫтереү автономлы коммерцияға ҡарамаған ойошмаһы президенты Сергей Трофимец менән республикалағы спорт комплекстарының оптималь эшләү мәсьәләләрен тикшереү йомғаҡтары буйынса мөрәжәғәт итте.

Рәсәйҙең атҡаҙанған тренеры «Өфө-Арена» универсаль спорт аренаһында, ҡала Спорт һарайында, «Биатлон» спорт-сәләмәтләндереү комплексында, тау саңғыһы спорты буйынса олимпия резервындағы махсуслаштырылған балалар-үҫмерҙәр спорт мәктәбендә, шулай уҡ шорт-трек буйынса төҙөлөп ятҡан әҙерлек үҙәгендә һәм боҙ аренаһы менән заманса физкультура-сәләмәтләндереү үҙәге төҙөргә күҙалланған биләмәлә булды.

— Мин күргәндең барыһы ла бик яҡшы. Сифат һәм тулылығы буйынса һеҙҙә ошондай иҫ киткес объекттар булыуы яҡшы, – тине Нина Мозер. – Бында булғандың барыһын ла кешеләрҙең хәстәрлек менән ҡарағанын аңлайым.

Осрашыу барышында тренер спорт объекттарының эшмәкәрлегенең һөҙөмтәлелеген күтәреү буйынса тәҡдимдәр әйтте.

— Сәфәремдең төп маҡсаты – ул фигуралы шыуыу, балалар һәм үҫмерҙәр өсөн спорттағы мөмкинлектәрҙе үҫтереү, республика үҫешһен һәм спорт дисциплинарында, шул иҫәптән фигуралы шыуыуҙа иң юғары урындарға дәғүә итә алһын. Бөгөн республикала нимә барлығын күрер өсөн килдем. Хәҙер ошо һырғалаҡтарҙы, үҫеш мөмкинлектәрен – ҡайҙа ниндәй спорт төрҙәре үҫешә алғанын ентекләп өйрәндек, – тине Нина Мозер. – Төбәк етәксеһенә бөгөн республикала спортты үҫтереү өсөн хеҙмәте өсөн рәхмәтемде белдерҙем. Беҙ һырғалаҡтарҙа, тау саңғыһы мәктәбендә, биатлон трассаһында булдыҡ. Бөгөнгө көнгә эшләнгәндең барыһы ла – ул чемпиондар тәрбиәләүгә лайыҡ халыҡ-ара кимәлдәге уникаль объекттар.

ВКонтакт Facebook Одноклассники Twitter