Обычный вид

Яңылыҡтар

24.01.2020 17:03:00

Башҡортостан менән Рәсәйҙең Регби федерацияһы хеҙмәттәшлек тураһындағы килешеүгә ҡул ҡуйҙы

 24 ғинуарҙа Мәскәүҙә Башҡортостан Башлығы Радий Хәбиров һәм Рәсәйҙең монополияға ҡаршы федераль хеҙмәте етәксеһе, Рәсәйҙең Регби федерацияһы Юғары советы рәйесе Игорь Артемьев хеҙмәттәшлек тураһындағы килешеүгә ҡул ҡуйҙы.

Документҡа ярашлы республикала ошо спорт төрөн үҫтереү һәм популярлаштырыу, шулай уҡ тейешле инфраструктураны булдырыу күҙ уңында тотола.

–        Беҙҙең өсөн регби – бик ҡыҙыҡлы, сағыу, йылдам спорт төрө, ул көслөләр өлөшө, – тине Радий Хәбиров. – Әгәр ҙә Башҡортостанда регби спорты тураһында һүҙ алып барабыҙ икән, 2016 йылда барлыҡҡа килеүен билдәләргә мөмкин. Республикала Регби буйынса спорт федерацияһы бар. Бөгөн өс клуб эшләп килә. Башҡортостан йөҙөндә Рәсәйҙең регби федерацияһы ышаныслы партнёр һәм фекерҙәште таный ала.  

ВКонтакт Facebook Одноклассники Twitter