Обычный вид

Яңылыҡтар

05.10.2019 15:06:00

Радий Хәбиров «Йәшел Башҡортостан» республика акцияһында ҡатнашты

5 октябрҙә Башҡортостан Башлығы Радий Хәбиров «Йәшел Башҡортостан» республика акцияһында ҡатнашты. Өфө ҡалаһы хакимиәте башлығы Өлфәт Мостафин, шулай уҡ 155-се һанлы лицей уҡыусылары һәм уҡытыусылары менән Сипайлово биҫтәһендә ағас ултыртты. Шулай итеп, Ҡариҙел буйында ҡарағайҙар аллеяһы барлыҡҡа килде.

–       Акцияның төп маҡсаты – ағас ултыртыу ғына түгел. Был эште халыҡ менән бергә атҡарыу мөһим. Бөгөн дә акцияға тотош республика ҡушылды. Беҙҙең ҡала-ҡасабалар йәшелләнергә тейеш, – тине Радий Хәбиров.

Республика Башлығы шулай уҡ йылға буйын, пляж биләмәһен ҡараны, уларҙы төҙөкләндереү һорауҙары буйынса фекер алышты. Автомобиль туҡталҡалары булдырыу, велосипед менән йөрөү һәм йәйәүлеләр өсөн һуҡмаҡ булдырыу мәсьәләләре барланды.

ВКонтакт Facebook Одноклассники Twitter