Обычный вид

Яңылыҡтар

21.05.2019 16:38:00

Финляндияның Рәсәйҙәге Илсеһе Микко Хаутала менән эшлекле осрашыу

21 майҙа Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров Финляндияның Рәсәйҙәге илсеһе Микко Хаутала менән осрашты.

Яҡтар иҡтисади, гуманитар һәм социаль йүнәлештәр буйынса артабанғы хеҙмәттәшлек тураһында фекер алышты.

–      Башҡортостан менән Финляндияны күптәнге дуҫлыҡ мөнәсәбәттәре бәйләй, – тине Радий Хәбиров. –Финляндия әлеге ваҡытта Башҡортостандың нефть химияһы предприятиелары продукцияһы экспорты күләме буйынса туғыҙынсы урынды биләй. Тауар әйләнешен арттырыу өсөн мөмкинлектәр ҙур.

Башҡортостан етәксеһе республика аграрийҙары Финляндияға ауыл хужалығы продукцияһын оҙатырға әҙер булыуын белдерҙе. Үҙ сиратында Башҡортостан фин ауыл хужалығы техникаһын һатып алыу, бында йыйыу производстволарын һәм уны хеҙмәтләндереү буйынса сервис үҙәктәре ойоштороу менән ҡыҙыҡһына. Төҙөлөш өлкәһендә, торлаҡ-коммуналь хужалыҡта хеҙмәттәшлекте үҫтереү, берлектә етештереү предприятиелары булдырыу өсөн мөмкинлектәр бар.

Финляндия Башҡортостан менән мөнәсәбәттәрҙең яңы битен асырға әҙер, тине Микко Хаутала. – Ҡалдыҡтарҙы эшкәртеү һәм утилләштереү өлкәһендә бай тәжрибә туплаған. Финляндия «сүп-сар реформаһы»н тормошҡа ашырыуҙа әүҙем ҡатнашырға, үҙенең иң яҡшы тәжрибәләре менән уртаҡлашырға әҙер.

ВКонтакт Facebook Одноклассники Twitter