Обычный вид

Яңылыҡтар

27.02.2019 09:15:00

Радий Хәбиров Башҡортостан рустарының V съезын үткәреү тураһындағы Указға ҡул ҡуйҙы

Башҡортостан Башлығы вазифаһын ваҡытлыса башҡарыусы Радий Хәбиров 2019 йылдың апрелендә «Башҡортостан рустары Соборы» төбәк йәмәғәт ойошмаһының V съезын үткәреү тураһындағы Указға ҡул ҡуйҙы.

Документтың маҡсаты – милләт-ара татыулыҡты нығытыу һәм республикала йәшәүсе рустарҙың рухи мәҙәниәтен һаҡлау һәм үҫтереү. Съезд үткәреү башланғысы менән ойошманың башҡарма комитеты мөрәжәғәт итә.

Указ менән съезды үткәреү буйынса ойоштороу комитеты раҫланған. Улар 2019 йылдың 11 мартына тиклем саралар планы төҙөлөргә тейеш.

Республика Хөкүмәтенә Указды тормошҡа ашырыу өсөн сығымдарҙы финанслау бурысы йөкмәтелгән.

ВКонтакт Facebook Одноклассники Twitter